Кимда кандай телефон бор? - 17 Апреля 2012

Кимда кандай телефон бор?

Шиддат билан ривожлаётган давримизни уяли алоқа воситаларисиз тасаввур қила олмаймиз. Ҳар бир дақиқада ушбу сўзлашув воситасига муҳтожлик сезамиз. Уяли телефон энг зарур ёрдамчимиз энг содиқ ҳамроҳимизга айланиб улгурган. Санъатимизнинг таниқли вакилларидан алоқа воситалари билан боғлиқ маълумотлар олишга киришдик...

Саволлар:

1. Шахсий рақамингиз яширинми?
2. Бекитилган ва бегона рақамлардан бўлган қўнғироқларига жавоб берасизми?
3. Бир кунда неча соат телефонда гаплашишингиз мумкин?
4. Бир кунда нечта SMSхабар ёзасиз?
5. Уяли алоқа апаратингизни тез-тез алмаштириб турасизми?

Нилуфар Усмонова: "Сирли рақамларни кўтаришим мумкин"

1. Шахсий рақамим сирли.
2. Бегона рақамларни умуман кўтармайман. Сирли рақамларни кўтаришим мумкин.
3. Кун давомида 2-3 соат телефонда гаплашаман. Аммо ҳар куни бундай эмас: баъзида камроқ, баъзан эса бу вақтдан ҳам ошиб кетади.
4. SMS хабарларнинг барчасига жавоб ёзаман. Адашмасам, 10 та SMS ёзсам керак.
5. Кўп телефон алмаштирадиган одатим йўқ.

"Тарона Рекордс” студияси вакиллари — Лола Йўлдошева, Шаҳзода ва Нилуфар Усмонова ҳам Apple-iPhone 4S русумли телефонлардан фойдаланишар экан. Уларнинг учталаси ҳам алоқа компанияларнинг VIP хизматларидан фойдаланишади.

ШОҲРУХХОН: "ЖУДА Ё-Ё-ЁМОН ОДАТИМ БОР!"

1. Рақамим сирли.
2. Бегона ва сирли рақамларни умуман кўтармайман.
3. Кун давомида 5-6 соат телефонда гаплашишим мумкин.
4. Бир кун давомида 10-15 та SMS ёзаман.
5. Телефонни тез-тез алмаштирадиган жуда ё-ё-ёмон одатим бор (кулади).
Қизларнинг ёқимтойи Шоҳруххон ҳам Apple-iPhone 4S русумидаги телефондан фойдаланади. Шоҳруххон ойига 150.000-170.000 сўм ишлатади.

СЕВАРА СОЛИЕВА: "ТЕЛЕФОНИМНИ 2 ЙИЛДАН БЕРИ ИШЛАТАЯПМАН!"

1. Телефон рақамим яширин эмас.
2. Бегона ва сирли рақамларни кўтараман. Балки бирон танишим қўнғироқ қилаётгандир, дейман-да...
3. телефонда кўп гаплашмайман. Бир кунда 1 ёки узоғи билан 1,5 соат гаплашишим мумкин.
4. Кунига 8-9 та SMS ёзсам керак.
5. Телефонни тез-тез алмаштирадиган одатим йўқ. Ҳозирги телефонимни 2 йилдан бери ишлатаяпман.
Истеъдодли ёш актриса Севара Солиева санъаткорлар орасида энг камтар вакиллардан бири бўлди. У Nokia 2700 русумидаги телефондан фойдаланади. Телефон сўзлашувлари учун ойига 50.000 сўм сарфловчи актриса талаба бўлгани учун ҳам шахсий телефонига камроқ пул ажратар экан.

ҲАЛИМА ИБРАГИМОВА: "ҲЕЧ ҲИСОБЛАМАГАН ЭКАНМАН..."

1. Шахсий телефон рақамимнинг барчаси сирли.
2. Бегона ва сирли рақамларни кўтаравераман.
3. Кун давомида 6-7 соат телефонда гаплашсам керак.
4. Кам SMS ёзаман, демайман-ку, аммо бу борада айтарлича фаол эмасман.
5. Телефонни тез-тез алмаштирадиган одатим ҳам йўқ эмас.
Ҳалима Ибрагимова бир варакайига 4 та телефондан фойдаланар экан. Nokia Х7, Nokia 6700, Nokia N 97 ҳамда Perfectum mobileалоқа компаниясининг махсус телефон ускунаси. "Телефондан фойдаланишим учун сарфлаган пулимни ҳеч ҳисобламаган эканман” дейди актриса.

ШАҲЗОДА: "БЕГОНА РАҚАМЛАРНИ КАМДАН-КАМ КЎТАРАМАН…"

1. Шахсий рақамим беркитилган эмас.
2. Бегона рақамларни камдан-кам кўтараман.
3. Кун давомида 1-2 соат телефонда гаплашишим мумкин.
4. Келган SMS хабарларнинг барчасига жавоб ёзаман. Менимча, бир кунда 10 тага яқин SMS ёзсам керак.
5. Телефонни ҳадеб алмаштиравермайман.

АДҲАМ СОЛИЕВ. СУҲБАТ УЧУН 100.000 СЎМ!

1. Йўқ.
2. Ҳар қандай рақамдан бўлган қўнғироқларга жавоб беришга ҳаракат қиламан.
3. Бир кунда 2-3 соат телефонда гаплашишим мумкин.
4. SMS хабарларни камдан-кам ёзаман.
5. Телефонларимни тез-тез алмаштириб турадиган хоббим бўлмаса ҳам, янгича русумдаги телефонларни ҳарид қилиб тураман.
Қашқадарё фольклор йўналиши бўйича куйлайдиган Адҳам Солиев Nokia C3 русумидаги телефондан фойдаланади. Хонанда бир ойда 100.000 сўмдан ортиқроқ пулни фақат телефони учун сарфлайди.

АНВАР СОБИРОВ 30-40ТА SMS ЁЗАДИ!

1. Рақамим яширин эмас.
2. Ҳар қандай қўнғироқларга жавоб бераман.
3. Бир кунда 3 соатча вақтим телефонда гаплашиш учун кетади.
4. SMS хабарларни кў-ў-ўп ёзаман. Менимча, кунига 30-40 та ёзсам керак.
5. Телефонимни тез-тез алмаштираверадиган одатим йўқ.

Собировлар сулоласининг ёрқин вакили Анвар Собиров ҳам Nokia фирмасининг маҳсулотидан фойдаланади. Унда Nokia Е 72 русумидаги телефони. Олинган маълумотларга қараганда Анвар Собиров телефони учун умумий ҳисобда ҳар ойда 150.000 сўмдан сарфлайди.

ЛОЛА ЙЎЛДОШЕВА: "ТЕЛЕФОН АЛМАШТИРАДИГАН ОДАТИМ ЙЎҚ!"

1. Шахсий рақамим яширин.
2. Бегона рақамларни кўтармайман.
3. Кун давомида 2 соат телефонда гаплашишим мумкин. Унинг ҳам кўпроқ қисми болаларимдан хабар олишга кетади.
4. Келган SMS хабарларнинг барчасига жавоб ёзишга ҳаракат қиламан. Кун давомида 5-6 та SMS ёзаман.
5. Телефонимни тез-тез алмаштирадиган одатим йўқ.